اَلسُّلَفُ [es-Sulef] (صُرَدٌ [surad] vezninde) zu’l-Kelâ’ kabîlesinden bir batndır; a’lâmdan Râfi’ b. 'Akîb es-Sulefî ve hâlid b. Ma’dîkereb ve birâderi ve sâ’irleri ona mensûblardır. Ve سُلَفٌ [sulef] Keklik kuşunun yavrusuna denir. Cem’i سِلْفَانٌ [silfân] gelir, صِرْدَانٌ [sirdân] vezninde ve sîn’in zammıyla da câ’izdir.

اَلسُّلَفُ [es-sulef] (sîn’in zammı ve lâm’ın fethiyle) Vâhidi. Bir dâne keklik yavrusu ma’nâsına, صُرَدٌ [surad] ile صِرْدَانٌ [sirdân] gibi. Ve صُرَدٌ [surad] dedikleri kuş ki ona göçegen ve kerkesdahi derler. Ve Ebû ‘Amr eyitti: Mü’ennesinde سُلَفَةٌ istimâ’ olunmamıştır, eger سُلَفَةٌ [sulefet] سِلْفَاءُ [silfâ’]ın vâhididir, سُلَكَةٌ [suleket] سِلْكَانٌ [silkân]ın vâhidi olduğu gibi dense ahsen olurdu dedi. Ve سُلَكَةٌ [suleket] sîn-i mühmelenin zammıyla kezâlik keklik yavrusuna derler.