رَتَنٌ [Reten] (fethateynle) İbn Kiryâl b. Reten el-Bitrendî dedikleri kimsedir, ashâb-ı kirâmdan değildir, belki bir kezzâb şahstır ki altı yüz târîhinden sonra Hindistân’da zuhûr edip ashâbdan olmak üzere iddi’â edip ve tasdîk olundu, ya’nî niçe sebük-magzân dahi tasdîk eylediler. Ve niçe ahâdîs rivâyet eyledi ki mezbûrun ashâb-ı ashâbından mesmû’umuz oldu. Merkûm gûyâ ki ashâbdan kalıp altı yüzden ziyâde mu’ammer olmuştur, elsine-i Hindiyân-ı bî-magzânda hâlen Baba Reten-i Hindî diye mütedâvil olan şahs bu olcaktır. Ve بِتْرَنْدُ [Bitrend] bâ-yı muvahhade-i meksûre ve tâ-i fevkiyye-i sâkine ile Hindistân’da bir beldedir.