اَلْجَزَائِرُالْخَالِدَاتُ [el-Cezâ’iru’l-hâlidât] ve ona جَزَائِرُ السَّعَادَاتِ [Cezâ’iru’s-Sa’âdât] dahi derler, Bahr-i Muhît’in cânib-i garbîsinde altı cezîreden ‘ibârettir ki ehl-i tencîm mebde-i tûl-ı bilâdı oradan i’tibâr eylediler. Türâbı be-gâyet atyeb ve havâsı a’del olmakla şarkıyye ve garbiyye olan ecnâs-ı fevâkihe vü esmâr ve envâ’-ı reyâhîn ü ezhâr ve bi’l-cümle hubûbât orada bilâ-zer’in ve garsin nâbit olur. Bu adalar hâlen Kanarya Adaları ta’bîr ettikleridir ki Bahr-i Muhît’e seferber olanlar orada solunup giderler. Kanarya dedikleri kuş oradan neş’et eylemiştir.