اَلْعَدِيُّ [el-'adiyy] (غَنِيٌّ [ganiyy] vezninde) Bir kavmden şol cemâ’ate denir ki dâ’imâ harb ve kıtâle seğirtişip hücûm ederler, kavmin berihay adamları olacaktır, 'alâ-kavlin piyâdegândan düşman üzere en evvel hamle ve hücûm eden kimselere denir. Şârihin beyânına göre bu عَادِي ['âdî] kelimesinden ism-i cem’dir, غَازِي [gâzî] ve غَزِيٌّ [gaziyy] gibi; yukâlu: هُمْ عَدِيُّ الْقَوْمِ أَيْ يَعْدُونَ لِقِتَالٍ أَوْ هُوَ مَنْ يَحْمِلُ مِنَ الرَّجَّالَةِ Ve عَدِيٌّ ['Adiyy] Bir kabîle ismidir; nisbetinde عَدَوِيٌّ ['Adeviyy] denir, حَنَفِيٌّ [hanefiyy] vezninde ve عَدِييِيٌّ ['Adîyiyy] denir, حَنِيفِيٌّ [hanîfiyy] gibi.

اَلْعَدِيُّ [el-'adiyy] ('ayn’ın fethi ve dâl’ın kesri ve yâ’nın teşdîdiyle) Şol kimselerdir ki piyâde olup seğirtirler. Ve bu عَادٍ ['âd] kelimesinin cem’idir, غَازٍ [gâz] ile غَزِيٌّ [gaziyy] gibi. Ve عَدِيٌّ ['Adiyy] kureyş kabîlesinden 'Ömer b. el-hattâb’ın kavmidir ki o 'Adiyy b. Ka’b b. Lu’eyy’dir ki cedd-i a’lâları Nadr’dırve onlara nisbette عَدَوِيٌّ ['Adeviyy] derler. Ve عَدِيُّ بْنُ مَنَاةٍ ['Adiyy b. Menât] zu’r-Rumme demekle ma’rûf şâ’irin kavmidir. Ve عَدِيٌّ ['Adiyy] Benî hanîfe’de ve عَدِيٌّ ['Adiyy] Fezâre’de birer kimsenin ismidir.