(a. h. i.) : Mısır’da taştan yapılmış, âsâr-ı atîkadan iki bina, Eh-ram’lardan ikisi.

اَلْهَرَمَانِ [el-Heremân] (hâ’nın ve râ’nın fethiyle ki هَرَمٌ [herem] lafzından tesniyedir) Mısır’da iki kadîm binâya ıtlâk olunur ki onları Hazret-i İdrîs 'alâ-nebiyyinâ ve 'aleyhi’s-salâtu ve’s-selâm tûfândan ‘ulûmu hıfz ve vikâye için binâ eylediler, ya’nî kitâblarını onda vaz’ ve hıfz eylediler. 'Alâ-kavlin Sinân b. el-Muşelşel binâ eyledi yâhûd eslâftan ba’zı kimseler ki murâd selâtîn-i Mısr’dır, binâ eyledi, fenn-i nücûm delâletiyle tûfân-ı Nûh 'aleyhi’s-selâm zuhûrunu idrâk eylemekle tıbb ve sihr ve nîrencât ve tılsım makûlesi fünûnu onda vikâye ya’nî cidârlarına resm eyledi.

اَلْهَرَمَانِ [el-Heremân] (fethateynle) Mısır’da bir binânın ismidir. Ve kâmûs’ta هَرَمَانِ [Heremân] iki binânın ismidir ki onları İdrîs-i Nebî ‘aleyhi’s-selâm binâ’ etmiştir, tûfândan 'ulûmu hıfz etmek için demiştir.Pes bu takrîrden هَرَمَانِ [Heremân]ın müfred olması ve tesniye olması câ’iz olmak fehm olunur, gâh i’râb bi’l-hareke ve gâh i’râb bi’l-hurûf ile isti’mâl olunmak buna binâ’endir. Tesniyede i’râb bi’l-hareke lügat olduğuna binâ’en değildir, nitekim ba’zı 'ulemâdan böyle nakl olunmuştur. Ve mu’arref bi’l-lâm olması vaz’en 'alem olmasın iş’âr eder.

اَلْهُرْمَانُ [el-hurmân] (hâ’nın zammı ve râ’nın sükûnuyla) 'Akl, hıred ma’nâsına; yukâlu: مَا لَهُ هُرْمَانٌ