اَللَّثَى [el-lesâ] (sâ-yı müsellese ile لَعَى [le’â] vezninde) Bir nesnedir ki bâdiye eşcârından سَمُرَةٌ [semuret] ağacından sâkıt olur ki murâd ondan zamk gibi seyelân eder bir nesnedir, müncemid oldukta ona صُعْرُورٌ [su’rûr] derler. Ve pekişmemiş seyelân eden sıvık sakıza denir. Ve لَثَى [lesâ] Masdar olur, سَمُرَةٌ [semuret] ağacından şey’-i mezkûr ve sakızlık ağacından sıvık sakız zuhûr eylemek ma’nâsınadır; yukâlu: لَثِيَتِ الشَّجَرَةُ لَثًى مِنَ الْبَابِ الرَّابِعِ إِذَا خَرَجَ مِنْهَا اللَّثَى Ve ağaca çiğ düşmekle yaşarmak ma’nâsınadır; yukâlu: لَثِيَتِ الشَّجَرَةُ إِذَا نَدِيَتْ Ve لَثَى [lesâ] Havâdan düşen çiğ ta’bîr ettikleri rutûbete denir yâhûd onun gibi hafîfçe rutûbete denir. Ve suya yâhud kana basmakla ayakkabı nem-nâk olmak ma’nâsınadır; yukâlu:لَثِيَ خُفُّهُ لَثًى إِذَا نَدِيَ مِنَ الْوَطْءِ فِي مَاءٍ أَوْ دَمٍ Ve bir nesneye süt zefîri bulaşmak ma’nâsınadır; yukâlu: لَثِيَتْ يَدُهُ إِذَا لَزِجَتْ مِنْ دَسَمِ اللَّبَنِ Ve azca su içmek ma’nâsınadır; yukâlu: لَثِيَ الرَّجُلُ إِذَا شَرِبَ الْمَاءَ قَلِيلًا Ve tencerenin bulaşığını gereği gibi yalamak ma’nâsınadır; yukâlu: لَثِيَ الْقِدْرَ إِذَا لَحَسَهَا شَدِيدًا

اَللِّثَى [el-lisâ] (lâm’ın kesri ve elifin kasrıyla) Kezâlik cem’i.