اَلْكَرْوَانُ [el-Kervân] (سَلْمَانُ [selmân] vezninde) tûs kazâsında bir karye adıdır. Ve keklik kuşunun erkeğine denir, حَجَلٌ [hacel ve قَبْجٌ [kabc] ma’nâsınadır; mü’ennesi كَرْوَانَةٌ [kervânet]tir, cem’i كَرَاوِينُ [kerâvîn] ve كِرْوَانٌ [kirvân] gelir kâf’ın kesriyle. Ve erkeğine كَرَا [kerâ] dahi denir, عَصَا [‘asâ] vezninde. Ve minhu’l-meselu: “أَطْرِقْ كَرَا أَطْرِقْ كَرَا || إِنَّ النَّعَامَةَ فِي الْقُرَى ||بِغَاثُكُمْ فِي أَرْضِنَا || اسْتَنْسَرَا اسْتَنْسَرَا” Bu mesel bir adam nerm ve hoş-âmed sözler ile menâfi’ irâ’et ederek igfâl ile maksûd olan gâ’ileye düşürmek mevki’inde darb olunur, lâkin ümmehât-ı sâ’irede كَرَا [kerâ] ve كَرْوَانُ [kervân] toy kuşu nev’inden çağırgan toy dedikleriyle mübeyyendir, kervân kuşu dahi derler.