اَلْكَدُّ [el-kedd] (kâf’ın fethi ve dâl’ın teşdîdiyle) Bir işte renc ve şiddet çekmek ma’nâsınadır ki lâzımdır; yukâlu: كَدَّ الرَّجُلُ فِي الْعَمَلِ كَدًّا مِنَ الْبَابِ اْلأَوَّلِ إِذَا تَعِبَ وَوَقَعَ فِي الشِّدَّةِ ve minhu yukâlu: حَصَلَ بِجَدِّكَ لاَ بِكَدِّكَ Ya’nî “Bu husûs senin müsâ’ade-i bahtınla hâsıl oldu, yoksa emek çekip sa’y ve zahmetinle değildir.” Ve كَدٌّ [kedd] Bir kimseden bir nesne talebinde ilhâh ve ibrâm eylemek ma’nâsınadır ki vech-i âtî üzere ma’nâ-yı müte’addîden me’hûzdur; yukâlu: كَدَّ فِي الطَّلَبِ إِذَا أَلَحَّ Ve parmakla işâret eylemek ma’nâsınadır; yukâlu: كَدَّ الرَّجُلُ إِذَا أَشَارَ بِالْإِصْبَعِ Ve saç taramak ma’nâsınadır; yukâlu: كَدَّ رَأْسَهُ إِذَا مَشَطَهُ Ve كَدٌّ [kedd] İsm olur, içinde nesne dövülen şey’e denir, havan ve dibek gibi. Ve كَدٌّ [kedd] Kezâlik masdar olur, bir kimseden كَدٌّ [kedd] taleb eylemek ya’nî onu renc ve ta’aba uğratmak ve bir husûsta zahmet çektirmek ma’nâsına; yukâlu: كَدَّ فُلاَنًا إِذَا طَلَبَ مِنْهُ الْكَدَّ Pes bu ma’nâda müte’addî olur, niteki ümmehât-ı sâ’irede وَكَدَّهُ أَتْعَبَهُ لاَزِمٌ وَمُتَعَدٍّ 'ibâretiyle musarrahtır. Ve كَدٌّ [kedd] Bir nesneyi el ile çekip koparmak ma’nâsınadır, câmid olsun, sâ’il olsun; yukâlu: كَدَّ الشَّيْءَ إِذَا نَزَعَهُ بِيَدِهِ يَكُونُ فِي الْجَامِدِ وَالسَّائِلِ