اَلْقَرْيُ [el-kary] (جَرْيٌ [cery] vezninde) ve اَلْقَرَى [el-karâ] (عَصَا [‘asâ] vezninde) Biriktirmek ma’nâsınadır; zikr olunan قَرْيَةٌ [karyet] bu ma’nâdandır; yukâlu: قَرَى الْمَاءَ فِي الْحَوْضِ قَرْيًا وَقَرًى مِنَ الْبَابِ الثَّانِي إِذَا جَمَعَهُ Ve geviş getiren hayvân gevişini avurduna biriktirip yığmak ma’nâsınadır; yukâlu: قَرَى الْبَعِيرُ وَكُلُّ مَا اجْتَرَّ إِذَا جَمَعَ جَرَّتَهُ فِي شِدْقِهِ Ve devenin dişleri ağrımakla avurdu şişmek ma’nâsınadır; yukâlu: قَرَتِ النَّاقَةُ إِذَا وَرِمَ شِدْقَاهَا مِنْ وَجَعِ الْأَسْنَانِ Ve bilâd ve kasabâtı tetebbu’ ederek gezmek ma’nâsınadır; yukâlu: قَرَى الْبِلَادَ إِذَا تَتَبَّعَهَا يَخْرُجُ مِنْ أَرْضٍ إِلَى أَرْضٍ Ve okumak ma’nâsınadır ki mehmûzda lügattir; tekûlu: قَرَيْتُ الصَّحِيفَةَ لُغَةٌ فِي قَرَأْتُهَا فَهِيَ مَقْرِيَّةٌ