اَلْقَرْيَةُ [el-karyet] (kâf’ın fethi ve kesri ve râ’nın sükûnuyla) Mısr-ı câmi’e denir; nisbetinde قَرَئِيٌّ [kare’iyy] denir yâ ile ve قَرَوِيٌّ [kareviyy] denir, كَرَوِيٌّ [kereviyy] veznlerindedir; cem’i قُرًى [kurâ] gelir kâf’ın zammı ve elifin kasrıyla. Ve bu cem’ şevâzz sîgasındandır ve nisbeti dahi nevâdirdendir.

اَلْقَرْيَتَيْنِ [el-karyeteyn] (tesniye bünyesiyle) İki karye demektir. Ve işbu ﴿عَلَى رَجُلٍ مِنَ الْقَرْيَتَيْنِ عَظِيمٍ﴾ âyet-i kerîmesinde murâd Mekke ile tâ’if’tir, Mekke taglîb olunmuştur. Ve ekserî lafz-ı merkûm yâ ile قَرْيَتَيْنِ 'unvânında mütelaffazdır, ya’nî elifle قَرْيَتَانِ 'unvânında ki hâlet-i ref’idir, kalîldir. Ve قَرْيَةُ [karyet] Mekke ile Basra beyninde Nibâc kurbünde bir köyün adıdır. Ve hims kazâsında bir köy adıdır. Ve Yemâme’de bir mevzi’dir.

اَلْقِرِّيَّةُ [el-kirriyyet] (جِرِّيَّةٌ [cirriyyet] vezninde) Kursağa denir, حَوْصَلَةٌ [havsalet] ma’nâsına. Ve قِرِّيَّةُ [kirriyyet] Fesâhatle ma’rûf Eyyûb b. Yezîd’in vâlidesi Cumâ’a bint Cuşem’in lakabıdır.

قُرَيَّةُ [kureyyet] (سُمَيَّةُ [sumeyyet] vezninde) Bagdâd’da üç mevzi’in adıdır. Ve tayyi’ kabîlesi yurdunda bir mevzi’ adıdır.