اَلصَّلْيُ [es-saly] (sâd’ın fethi ve lâm’ın sükûnuyla) Eti biryân eylemek ma’nâsınadır, 'alâ-kavlin bir nesneyi ihrâk için âteşe atmak ma’nâsınadır; yukâlu: صَلَى اللَّحْمَ يَصْلِيهِ صَلْيًا إِذَا شَوَاهُ أَوْ يُقَالُ صَلَى الشَّيْءَ إِذَا أَلْقَاهُ فِي النَّارِ لِلْإِحْرَاقِ Ve bir nesneyi âteşte ısıtmak ma’nâsınadır; yukâlu: صَلَى يَدَهُ بِالنَّارِ إِذَا سَخَّنَهَا Ve bir adama müdârâ eylemek yâhûd reng ve fend ve hud’a eylemek ma’nâsınadır; yukâlu: صَلَى فُلَانًا إِذَا دَارَاهُ أَوْ خَاتَلَهُ وَخَدَعَهُ Ve bir nesneyi âteşe sokup onda meks ettirmek ma’nâsınadır; yukâlu: صَلَاهُ النَّارَ إِذَا أَدْخَلَ إِيَّاهَا وَأَثْوَاهُ فِيهَا