i. Bkz. سروى servi.

اَلسَّلْوَى [es-selvâ] (بَلْوَى [belvâ] vezninde) Bu dahi bala denir, عَسَلٌ ['asel] ma’nâsına. Ve bir kuş adıdır; سَلْوَاةٌ [selvât] müfredidir. Mütercim der ki bu kuş Türkîde yelve dedikleri kuştur ki bıldırcına şebîh olur, Benî İsrâ’îl’e sevk ve terzîk olunan bu kuşlardır; pek vahşî olur, niteki bu kıt’ada telmîh olunmuştur: “مِنْ آلِ إِسْرَائِيلَ عُلِّقْتُهُ || قَابَلَنِي بِالصَّدِّ وَالتِّيهِ || قَدْ أُنْزِلَ السَّلْوَى عَلَى قَلْبِهِ || وَنُزِلَ الْمَنُّ عَلَى فِيهِ” Ve سَلْوَى [selvâ] Mutlakan kalbi fârig ve mütesellî eden şey’e denir.

اَلسُّلْوَى [es-sulvâ] (sîn’in zammı ve lâm’ın sükûnu ve elifin kasrıyla) Bir cins kuşun ismidir ki ona yelve derler. Ve Ahfeş eyitti: سُلْوَى [sulvâ]nın vâhidi istimâ’ olunmadı, benzer ki vâhidi kezâlik سُلْوَى [sulvâ] ola, nitekim دِفْلَى [diflâ] kelimesinin vâhidi ve cem’i دِفْلَى [diflâ]dır.Veدِفْلَى [diflâ] bir acı ota derler. Ve سُلْوَى [sulvâ] bala dahi derler, 'asel ma’nâsına.