اَلْخَنْجَرُ [el-hancer] (جَعْفَرٌ [ca’fer] vezninde) Bıçağa denir, سِكِّينٌ [sikkîn] ma’nâsına, 'alâ-kavlin 'azîm olanına denir ki hâlen o nev’ine lisânımızda dahi hançer ta’bîr olunur; hâ’nın kesriyle دِرْهَمٌ [dirhem] vezninde dahi lügattır. Ve 'Arablar sakalı bed-hey’et olan adama خَنْجَرِيُّ اللِّحْيَةِ [hanceriyyu’l-lihyet] ıtlâk ederler ki murâd sakalının etrâfı az ve uzun ve söbü olanıdır, hançer şeklinde olur; yukâlu: رَجُلٌ خَنْجَرِيُّ اللِّحْيَةِ أَيْ قَبِيحُهَا Ve خَنْجَرٌ [hancer] Sütü firâvân olan nâkaya denir.