اَلْخَرْطُ [el-hart] (فَرْطٌ [fart] vezninde) El ile ağacın dallarından yaprak sıyırmak ma’nâsınadır; yukâlu: خَرَطَ الشَّجَرَ خَرْطًا مِنَ الْبَابِ اْلأَوَّلِ وَالثَّانِي إِذَا انْتَزَعَ الْوَرَقَ مِنْهُ اجْتِذَابًا Ve kesilmiş ağacın ve dalın kabuğunu soyup düzeltmek ma’nâsınadır; yukâlu: خَرَطَ الْعُودَ إِذَا قَشَرَهُ وَسَوَّاهُ Ve bir nesneyi salıvermek ma’nâsınadır; yukâlu: خَرَطَ الْإِبِلَ فِي الْمَرْعَى وَخَرَطَ الدَّلْوَ فِي الْبِئْرِ إِذَا أَرْسَلَهُمَا Ve minhu kavlu 'Ömer radıyallâhu ‘anhu lemmâ re’â meniyyen fî sevbihi: “قَدْ خُرِطَ عَلَيْنَا الْإِحْتِلاَمُh عَلَى بِنَاءِ الْمَجْهُولِ أَيْ أُرْسِلَ Ve cimâ’ eylemek ma’nâsınadır; yukâlu: خَرَطَ جَارِيَتَهُ إِذَا نَكَحَهَا Ve üzüm salkımını birden ağza alıp çöpünde olan dâneleri yekpâre sıyırmak ma’nâsınadır; yukâlu: خَرَطَ الْعُنْقُودَ إِذَا وَضَعَهُ فِي فِيهِ وَأَخْرَجَ عُمْشُوشَهُ عَارِيًا Ve zartalamak ma’nâsınadır; yukâlu: خَرَطَ بِاسْتِهِ إِذَا حَبَقَ Ve müshil dârû ishâl eylemek ma’nâsınadır; yukâlu: خَرَطَ الدَّوَاءُ فُلاَنًا إِذَا أَمْشَاهُ Ve şikârî kuşu şikâra salmak ma’nâsınadır; yukâlu: خَرَطَ الْبَازِيَ إِذَا أَرْسَلَهُ Ve bir kimse nâsa ta’arruz ve ezâ eylemek bâbında kölesine destûr verip müseyyeb kılmak ma’nâsınadır; yukâlu: خَرَطَ فُلاَنٌ عَبْدَهُ عَلَى النَّاسِ إِذَا أَذِنَ لَهُ فِي أَذَاهُمْ Ve tâze çayır ve yonca makûlesi davarın yüreğini sürmek ma’nâsınadır; yukâlu: خَرَطَ الرُّطْبُ الْبَعِيرَ إِذَا سَلَّحَهُ Ve davar خَرُوطٌ [harût] olmak ma’nâsınadır; yukâlu: خَرَطَتِ الدَّابَّةُ إِذَا صَارَتْ خَرُوطًا