اَلْجَوَثُ [el-ceves] (fethateynle) Batnın göğüse doğru üst tarafı iri ve 'azîm olmak ma’nâsınadır ki gebe 'avret batnı gibi görünür. 'Alâ-kavlin batnın kasığa doğru aşağısı salık ve sölpük olmak ma’nâsınadır ki şişman hâletidir.

اَلْجَوْشُ [el-cevş] (cîm’in fethi ve vâv’ın sükûnuyla) Göğüse denir; yukâlu: ضَرَبَ جَوْشَهُ أَيْ صَدْرَهُ Ve geceden bir kıt’a’-i 'azîmeye, ‘alâ-kavlin âhirine denir; yukâlu: مَضَى جَوْشُ اللَّيْلِ أَيِ الْقِطْعَةُ الْعَظِيمَةُ مِنْهُ أَوْ آخِرُهُ Ve insânın beline denir; tekûlu: ضَرَبَ جَوْشِي أَيْ وَسَطِي Kezâlik gecenin vasatına denir. Ve masdar olur, bütün gece gitmek ma’nâsına; yukâlu: جَاشَ الرَّجُلُ يَجُوشُ جَوْشًا إِذَا سَارَ اللَّيْلَ كُلَّهُ Ve جَوْشٌ [Cevş] Belkayn b. Cesr bilâdında bir dağın adıdır; munsarıftır ve kalîlen gayr-i munsarıf olur. Ve bir mevzi’ adıdır.

aşağıbak.