اَلتَّخْلِيلُ [et-tahlîl] (تَفْعِيلٌ [tef’îl] vezninde) Hamr ve sâ’ir eşribe ekşiyip tebâh olmak ma’nâsınadır; yukâlu: خَلَّلَتِ الْخَمْرُ وَغَيْرُهَا مِنَ الْأَشْرِبَةِ إِذَا حَمُضَتْ وَفَسَدَتْ Ve şıra sirke olmak ma’nâsınadır; yukâlu: خَلَّلَ الْعَصِيرُ إِذَا صَارَ خَلًّا Ve sirke eylemek ma’nâsına müte’addî olur; yukâlu: خَلَّلَ الْخَمْرَ إِذَا جَعَلَهَا خَلًّا Ve turşu basmak ma’nâsınadır ki hicâz semtinde hurmâ koruğunu basarlar; yukâlu: خَلَّلَ الْبُسْرَ إِذَا وَضَعَهُ فِي الشَّمْسِ ثُمَّ نَضَّجَهُ بِالْخَلِّ فَجَعَلَهُ فِي جَرَّةٍ Ya’nî hurmâ koruklarını ibtidâ güneşte bir mikdâr sirke ile ıslatıp terbiyeden sonra “destiye bastı” ve hıyâr turşusu bastıkta خَلَّلَ الْخِيَارَ derler. Ve تَخْلِيلٌ [tahlîl] Sakalı ve parmakları hilâllemek ma’nâsınadır ki aralıklarına su geçirmekten 'ibârettir; yukâlu: خَلَّلَ لِحْيَتَهُ وَأَصَابِعَهُ إِذَا أَسَالَ الْمَاءَ بَيْنَهَا