اَلْبَلَّةُ [el-bellet] (bâ’nın fethiyle ve zammıyla) Gençlik ve tâzelik hengâmının tarâvetine ve terliğine ıtlâk olunur; yukâlu: بِهِ بَلَّةُ الشَّبَابِ أَيْ طَرَاوَتُهُ Ve mugaylân gibi büyük meşe ağaçların çiçeğine yâhûd çiçekleri 'akibinde zuhûr eden hurde tüy ve tiftik gibi nesneye denir. Ve عُرْفُطٌ ['urfut] ve سَمُرٌ [semur] ağaçlarının çiçeklerine denir yâhûd onlardan hâsıl olan lüzûcetli şıraya denir ki meyân balı gibi nesnedir ve bunda bâ’nın kesriyle lügattır. Ve fakr u fâkadan sonra ikbâl eden zenginliğe ıtlâk olunur; tekûlu: شَكَرْتُ بَلَّةَ فُلَانٍ أَيْ غِنَاهُ بَعْدَ الْفَقْرِ Ve mer’âda kalan çayır bakiyyesine denir; bâ’nın zammıyla da câ’izdir. Ve قَرَظٌ [karaz] ağacının yemişine denir ki onunla dibâgat ederler, palamut olacaktır.

اَلْبَلَلُ [el-belel] (fethateynle) ve اَلْبِلَّةُ [el-billet] (bâ’nın kesri ve lâm’ın teşdîdiyle) ve اَلْبِلَالُ [el-bilâl] (كِتَابٌ [kitâb] vezninde) ve اَلْبُلَالَةُ [el-bulâlet] (bâ’nın zammıyla) Yaşlık ma’nâsınadır; yukâlu: بِهِ بَلَلٌ وَبِلَّةٌ وَبِلَالٌ وَبُلَالَةٌ أَيْ نُدْوَةٌ

اَلْبُلَةُ [el-bulet] (ثُبَةٌ [subet] vezninde) Bu dahi büyük ve kaba odun bağına denir.

اَلْبُلَّةُ [el-bullet] (bâ’nın zammıyla) Tâze çayırın rutûbetine ve terliğine denir. Ve mer’âda kalan çayır bakiyyesine denir; yukâlu: بِالْمَرْعَى بُلَّةٌ أَيْ بَقِيَّةُ الْكَلَإِ Ve 'ayb ve nakîsa ma’nâsına müsta’meldir; yukâlu: طَوَاهُ عَلَى بُلَّتِهِ Ke-mâ se-yuzkeru ve bunda bâ’nın fethiyle câ’izdir.

اَلْبَلَّةُ [el-bellet] (bâ’nın fethi ve lâm’ın teşdîdiyle) Nem-nâk olan nesne; yukâlu: رِيحٌ بَلَّةٌ أَيْ فِيهَا بَلَلٌ Ve بَلَّةٌ [bellet] Hayr ma’nâsına da gelir; yukâlu: جَاءَنَا فُلَانٌ فَلَمْ يَأْتِنَا بِهَلَّةٍ وَلَا بَلَّةٍ İbnu’s-Sikkît eyitti: هَلَّةٌ [hellet] hâ’nın fethiyle ferahtan ve istihlâldendir. Ve بَلَّةٌ [bellet] بَلَلٌ [belel]den ve hayrdandır, ya’nî “Sürûru ve hayrı mûcib nesne getirmedi.” Ve بَلَّةٌ [bellet] Gâh olur şey’ ma’nâsına da gelir; minhu kavluhum: مَا أَصَابَ هَلَّةً وَلَا بَلَّةً أَيْ شَيْئًا

اَلْبِلَّةُ [el-billet] (bâ’nın kesriyle) Mutlakan yaşlıktır, nedâvet ma’nâsına.

اَلْبُلَّةُ [el-bullet] (bâ’nın zammıyla) Tâze otun yaşlığıdır.