اَلْبِكْرُ [el-bikr] (bâ’nın kesriyle) Henüz dûşîze olan kıza denir, عَذْرَاءُ [‘azrâ’] ma’nâsına. Cem’i أَبْكَارٌ [ebkâr]dır. Masdarı بَكَارَةٌ [bekâret]tir ki kız bikr olmak ma’nâsınadır; عَذِرَةٌ ['aziret] gibi.

اَلْبُكْرُ [el-bukr] (bâ’nın zammı ve fethi ve kâf’ın sükûnuyla) Nâkanın veledine, 'alâ-kavlin genç nâkaya ve ‘alâ-re’yin ثَنِيٌّ [seniyy]e denir, جَذَعٌ [ceza’] olunca kadar yâhûd اِبْنُ مَخَاضٍ [ibnu mehâd]ına denir, ثَنِيٌّ [seniyy] olunca kadar yâhûd اِبْنُ لَبُونٍ [ibnu lebûn]a denir yâhûd henüz بَازِلٌ [bâzil] olmayana denir. Cem’i أَبْكُرٌ [ebkur] gelir, أَفْلُسٌ [eflus] gibi ve بُكْرَانٌ [bukrân] gelir bâ’nın zammıyla ve بَكَارَةٌ [bekâret] gelir bâ’nın fethi ve kesriyle.

اَلْبَكُرُ [el-bekur] (نَدُسٌ [nedus] vezninde) ve اَلْبَكِرُ [el-bekir] (كَتِفٌ [ketif] vezninde) بُكُورٌ [bukûr]dan vasftır, seher-hîz olan adama denir; yukâlu: رَجُلٌ بَكُرُ وَبَكِرٌ أَيْ قَوِيٌّ عَلَى الْبُكُورِ

Şârih der ki takaddüm ma’nâsından me’hûzdur. Ve بَاكِرَةٌ [bâkiret] ta’bîri galattır. Ve بِكْرٌ [bikr] müzekker ve mü’ennese ıtlâk olunur, ya’nî henüz tezevvüc eylememiş oğlana da denir. İntehâ. Ve بِكْرٌ [bikr] Şol hatuna, kezâlik şol nâkaya ıtlâk olunur ki dûşîze hükmünde olur. Ve her şey’in evveline بِكْرٌ [bikr] denir. Ve mesbûk bi’l-mesel olmayan 'amel ve san’ata ıtlâk olunur. Ve henüz hâmil olmamış sığır ineğine, 'alâ-kavlin gencine denir ki dana ta’bîr olunur. Kâle’ş-şârih ve minhu kavluhu ta’âlâ: ﴿لاَ فَارِضٌ وَلاَ بِكْرٌ﴾ الآية، أَيْ لاَ مُسِنَّةٌ وَلاَ فَتِيَّةٌ Ve yağmuru çok sehâba denir; yukâlu: سَحَابَةٌ بِكْرٌ أَيْ غَزيرَةٌ Ve ebeveynin en evvelki veledine ıtlâk olunur ki ilk çocuğu ta’bîr olunur. ve en ibtidâ üzüm vermesi olan asmaya ıtlâk olunur; yukâlu: كَرْمٌ بِكْرٌ إِذَا حَمَلَ أَوَّلَ حَمْلِهِ Ve ضَرْبَةٌبِكْرٌ [darbatun bikrun] Şol kılıç darbesine ıtlâk olunur ki birde kesip katl eylemekle ikinciye hâcet komaya; yukâlu: ضَرْبَةٌ بِكْرٌ أَيْ لاَ تُثَنَّى Kâle’ş-şârih ve minhu’l-hadîsu: “إِنَّ ضَرْبَةَ عَلِيٍّ رَضِيَ اللهُ عَنْهُ كَانَتْ بِكْرًا” أَيْ قَاطِعَةً قَاتِلَةً بِوَاحِدَةٍ لاَ يَحْتَاجُ أَنْ يُعِيدَهَا

بَكْرٌ [Bekr] (سَكْرٌ [sekr] vezninde) tayyi’ kabîlesi yurdunda bir mevzi’dir.

اَلْبَكَرُ [el-beker] (fethateynle) Bu dahi erken, بُكْرَةٌ [bukret] ma’nâsınadır.

sıf. ar. Bozulmamış, erkek görmemiş, (kız) kız oğlan.

(a. i. c. : ebkâr) : dokunulmamış, kızoğlan kız, genç kız; kızlık, (bkz. : beka-ret).

sıf. ar. Bozulmamış, erkek görmemiş, (kız) kız oğlan.

اَلْمُبْكِرُ [el-mubkir] (مُحْسِنٌ [muhsin] vezninde) ve اَلْبَكُورُ [el-bekûr] (صَبُورٌ [sabûr] vezninde) Bunlar da evâ’il-i bahârda yağan yağmura ıtlâk olunur. Ve بَكُورٌ [bekûr] Meyvesi sâ’irden akdem yetişir olan hurmâ ağacına ıtlâk olunur. Cem’i بُكُرٌ [bukur] gelir zammeteynle. Mü’ellif burada yine teşvîş eylemiştir, zîrâ 'âdeti üzere جَمْعُهُ بُكُرٌ 'ibâretindeki zamîr بَاكُورٌ [bâkûr]a 'â’id olmak muktezîdir; o ise بَكُورٌ [bekûr]a râci’dir. Niteki Misbâh’ta ve sâ’ir ümmehâtta بَاكُورٌ [bâkûr]un cem’i بَوَاكِيرُ [bevâkîr] ve بَكُورٌ [bekûr]un بُكُرٌ [bukur] dur, رَسُولٌ [resûl] ve رُسُلٌ [rusul] gibi diye mansûstur.