اَلْإِسْتِعْنَادُ [el-isti’nâd] Kay’ ve gaseyân galebe eylemek ma’nâsınadır; yukâlu: إِسْتَعْنَدَهُ الْقَيْءُ إِذَا غَلَبَ عَلَيْهِ Ve serkeş deve ve at makûlesi yuları ve bağı eslemeyip zorlamak ma’nâsınadır; yukâlu: إِسْتَعْنَدَ الْبَعِيرُ وَالْفَرَسُ إِذَا غَلَبَا عَلَى الزِّمَامِ وَالرَّسَنِ Ve halk arasına girip değnekle herkese çalıp vuruşturmak ma’nâsınadır; yukâlu: إِسْتَعْنَدَ عَصَاهُ إِذَا ضَرَبَ بِهَا فِي النَّاسِ Ve bir kimse hayâ etmeksizin nâs arasında zinâ eylemek ma’nâsınadır; yukâlu: إِسْتَعْنَدَ الذَّكَرُ إِذَا زَنَى بِهِ فِيهِمْ Zevi’l-'ukûl olan bunu irtikâb eylememekle âlete isnâd olundu. Ve إِسْتِعْنَادٌ [isti’nâd] Tulumu bir tarafa eğip içinde olan şey’i ağızından içmek ma’nâsınadır; yukâlu: إِسْتَعْنَدَ السِّقَاءَ إِذَا اخْتَنَثَهُ فَشَرِبَ مِنْ فِيهِ Ve kasd ve âhenk eylemek ma’nâsınadır; yukâlu: إِسْتَعْنَدَ فُلاَنًا إِذَا قَصَدَهُ