اَلشِّرْكُ [eş-şirk] (şîn’in kesriyle) ve اَلشِّرْكَةُ [eş-şirket] (şîn’in kesri ve zammıyla) Ortaklık ma’nâsınadır; tekûlu: لِي فِيهِ شِرْكٌ وَشِرْكَةٌ أَيِ اشْتِرَاكٌVe شِرْكٌ [şirk] شَرِيكٌ [şerîk] gibi ortağa denir; cem’i أَشْرَاكٌ [eşrâk] gelir, شِبْرٌ [şibr] ve أَشْبَارٌ [eşbâr] gibi; yukâlu: هُوَ شِرْكُهُ أَيْ مُشَارِكُهُVe شِرْكَةٌ [şirket] Masdar olur, ortak olmak ma’nâsına; yukâlu: شَرِكَهُ فِي الْبَيْعِ وَالْمِيرَاثِ شِرْكَةً مِنَ الْبَابِ الرَّابِعِ إِذَا صَارَ شَرِيكَهُ Ve شِرْكٌ [şirk] إِشْرَاكٌ [işrâk]ten ism olur, كُفْرٌ [kufr] ma’nâsına ki vâhid-i hakîkî olan Zât-ı ecell ü a’lâya hâşâ şerîk isnâdına denir. Ve hısımlığa ve karâbete ıtlâk olunur, nesebde ortaklık olmak mülâbesesiyle; tekûlu: رَغِبْنَا فِي شِرْكِكُمْ أَيْ مُشَارَكَتِكُمْ فِي النَّسَبِ Ve شِرْكٌ [Şirk] Cebelu kanân verâsında bir su adıdır.