اَلشِّقِرَّاقُ [eş-şekirrâk] (şîn’in fethi ve kesri ve kâf-ı meksûre ve râ-i müşeddede ile) ve اَلشِّقْرَاقُ [eş-şikrâk] (قِرْطَاسٌ [kirtâs] vezninde) ve اَلشَّرَقْرَاقُ [eş-şerakrâk] (şîn’in ve râ’nın fetha ve kesreleriyle) ve اَلشَّرَقْرَقُ [eş-şerakrak] (سَفَرْجَلٌ [sefercel] vezninde) Bir ma’rûf kuş adıdır ki yeşil ve kırmızı ve beyâz benekler ile alaca ve münakkaş olur, arz-ı harem-i şerîfte dahi olur; bu kuş arı kuşu dedikleridir. Ve ba’zılar أَخْيَلُ [ahyel] ile beyân eyledi ki boyunburan dedikleri kuştur, bâkin bunun benekleri siyâh olmakla bu değildir, belki arı kuşudur, Fârisîde kâskîne ve sebzek dahi derler.