اَلذَّرُوعُ [ez-zerû’] (صَبُورٌ [sabûr] vezninde) ve اَلذَّرِيعُ [ez-zerî’] (أَمِيرٌ [emîr] vezninde) Cüst ve çâlâk olup adımları geniş olan ata ve deveye denir; yukâlu: فَرَسٌ وَبَعِيرٌ ذَرُوعٌ وَذَرِيعٌ أَيِ الْخَفِيفُ السَّيْرِ الْوَاسِعُ الْخَطْوِ Ve ذَرِيعٌ [zerî’] Şefî’ ma’nâsınadır. Ve çabuk ve serî’ ma’nâsınadır. Ve aslâ müzâyakası olmayıp vüs’atli ve sühûletli işe denir; yukâlu: أَمْرٌ ذَرِيعٌ أَيْ وَاسِعٌ Ve vebâ-yı ‘âmm gibi şâmil ve serî’ olan ölüme denir; yukâlu: مَوْتٌ ذَرِيعٌ أَيْ فَاشٍ

اَلذَّرِيعُ [ez-zerî’] (kezâlik zâl’ın fethi ve râ’nın kesri ve meddiyle) Şol attır ki adımı vâsi’ ola. Ve ذَرِيعٌ [zerî’] Serî’a dahi derler; yukâlu: قَتْلٌ ذَرِيعٌ أَيْ سَرِيعٌ وَيُقَالُ قَتَلُوهُمْ أَذْرَعَ قَتْلٍ