اَلْعُهْدَةُ [el-'uhdet] (عُمْدَةٌ ['umdet] vezninde) 'Ahd ve emân tahrîr olunmuş sahîfeye denir ki ‘ahd-nâme ta’bîr olunur. Kezâlik bey’ ü şirâ mâddesi muharrer olan varaka denir. Huccet ve temessük ve hatt ve kitâbette olan za’f ve redâ’et hâletine denir; yukâlu: فِي خَطِّهِ عُهْدَةٌ أَيْ ضَعْفٌ Kezâlik 'akl ve idrâkte olan za’f ve noksâna denir; yukâlu: فِي عَقْلِهِ عُهْدَةٌ أَيْ ضَعْفٌ Ve عُهْدَةٌ ['uhdet] Makâm-ı nefyde ric’at ma’nâsına müsta’meldir; tekûlu: لاَ عُهْدَةَ لِي أَيْ لاَ رِجْعَةَ Ve عُهْدَةٌ ['uhdet] Bir gûne kefâlete ıtlâk olunur ki üzerine almak ve boynuna atmak ta’bîr olunur, kefâlet-i 'âdiyedir, meselâ tekûlu: عُهْدَتُهُ عَلَى فُلاَنٍ أَيْ مَا َأُدْرِكَ فِيهِ مِنْ دَرَكٍ فَإِصْلاَحُهُ عَلَيْهِ