اَلطَّيْلَسُ [et-tayles] (صَيْقَلٌ [saykal] vezninde) ve اَلطَّيْلَسَانُ [et-taylesân] (lâm’ın harekât-ı selâsıyla) kâdî 'İyâd ve sâ’ir a’lâmdan menkûldür, tâlisân-ı Fârisî mu’arrebidir.

Ve طَيْلَسَانٌ [taylesân] 'Aceme mahsûs olmakla 'Arablar şetm mevki’inde يَا ابْنَ الطَّيْلَسَانِ derler, a’cemî olduğuna kinâye ederler. Ve طَيْلَسَانٌ [taylesân]ın cem’i طَيَالِسَةٌ [tayâliset]tir, hâ’yı 'ucme için ya’nî izâle-i ‘ucme içindir. Ve طَيْلَسَانُ [taylesân] İrân’da Deylem nevâhîsinden bir iklîm-i vâsi’ ismidir.

اَلطَّيْلَسَانُ [et-taylesân] (tâ’nın ve lâm’ın fethiyle) Şol kilimdir ki arkaya alırlar.