اَلطَّارِفُ [et-târif] ve اَلطَّرِيفُ [et-tarîf] (أَمِيرٌ [emîr] vezninde) ve اَلْمُطْرِفُ [el-mutrif] (مُحْسِنٌ [muhsin] vezninde) Bunlar da yeni nâ’il olunmuş mâla denir; yukâlu: مَالٌ طِرْفٌ وَطَارِفٌ وَمُطْرِفٌ أَيْ حَدِيثٌ مُسْتَحْدَثٌ Bunlar تَالِدٌ [tâlid] ve تَلِيدٌ [telîd] mukâbilleridir. Ve طَرِيفٌ [tarîf] Cedd-i a’lâsına vâsıta-i nesebi kesîr olan adama denir; yukâlu: هُوَ طَرِيفٌ أَيْ ضِدُّ الْقُعْدُدِ Ve garîb ve nâdir meyveye ve sâ’ir nesneye denir. Ve طَرِيفٌ [tarîf] Esâmîdendir: tarîf b. Mucâlid tâbi’î-i mevsûk, 'alâ-kavlin sahâbîdir. Ve tarîf b. Temîm el-'Anberî şu’arâdandır. Ve tarîf b. Şihâb muhaddisînden za’îfü’r-rivâyettir.