اَلشَّرِيبُ [eş-şerîb] (أَمِيرٌ [emîr] vezninde) ve اَلشَّرُوبُ [eş-şerûb] (صَبُورٌ [sabûr] vezninde) Bunlar da içilecek nesneye denir, شَرَابٌ [şarâb] ma’nâsına; 'alâ-kavlin bunlar dûne’l-'azb olan suya denir, içme suyu ve kuyu suları gibi ki bir mikdârca şûr-âb olup hasbe’z-zarûre nûş olunur. Ve شَرُوبٌ [şerûb] Kesîrü’ş-şürb olana denir. Ve erkek taleb eden kızgın dişiye ıtlâk olunur ki kösnek ta’bîr olunur. Ve شَرِيبٌ [şerîb] Hayvân suvarmak için bir kimse ile bilece kuyudan su çeken kimseye denir; 'alâ-kavlin hayvânı bir kimsenin hayvânıyla berâberce suvarılan kişiye denir. Ve bir kimse ile berâberce nesne şürb eden kimseye denir, hem-şarâb ma’nâsına.