اَلرَّمَثُ [er-remes] (fethateynle) Sal ta’bîr olunan şey’e denir ki ağaçları birbirine muhkem çatıp ırmaklarda üzerine rükûbla 'ubûr ederler, niteki tulumlardan olan kelek ta’bîr olunur; yukâlu: عَبَرَ الْمَاءَ بِالرَّمَثِ وَهُوَ خَشَبٌ يُضَمُّ بَعْضُهُ إِلَى بَعْضٍ وَيُرْكَبُ فِي الْبَحْرِ Hâlen büyük gemiler arkasında ba’zı kereste tahmîl ile çekip getirdikleri sala dahi ıtlâk olunur. Ve رَمَثٌ [remes] Masdar olur, deve zikr olunan رمث [rims] dedikleri nebât ekl eylemekle ishâlle derd-nâk olmak ma’nâsınadır; yukâlu: رَمِثَتِ اْلإِبِلُ رَمَثًا مِنَ الْبَابِ الرَّابِعِ إِذَا أَكَلَتِ الرِّمْثَ فَاشْتَكَتْ عَنْهُ Ve رَمَثٌ [remes] Hayvânın memesinde kalan süt bakiyyesine denir. Ve fazîlet ve meziyyet ma’nâsınadır; yukâlu: لِفُلاَنٍ عَلَى فُلاَنٍ رَمَثٌ أَيْ مَزِيَّةٌ Ve yağ ve yoğurt çalacak yayık tulumunu asmak için bağladıkları bağa denir. Ve رَمَثٌ [remes] Kezâlik masdar olur, karışık olmak ma’nâsına; yukâlu: رَمِثَ أَمْرُهُمْ رَمَثًا مِنَ الْبَابِ الْمَزْبُورِ إِذَا اخْتَلَطَ