اَلرَّكَبُ [er-rekeb] (fethateynle) Diz büyük olmak ma’nâsınadır; yukâlu: رَكِبَ الرَّجُلُ رَكَبًا مِنَ الْبَابِ الرَّابِعِ إِذَا عَظُمَتْ رُكْبَتُهُ Ve رَكَبٌ [rekeb] Kasık kılına denir; 'alâ-kavlin kasık kılının bittiği yere denir. Yâhûd ‘avretin ve erkeğin ferclerine ya’nî ud yerlerine denir. Yâhûd ud yerinin taşra yüzlerine denir. Yâhûd kalçanın iç yüzüne denir ki üzerinde ud yerlerinin etleri vâki’ olur. Tesniyesinde رَكَبَانِ [rekebân] denir; 'alâ-kavlin رَكَبٌ [rekeb] nisvâna mahsûstur. Cem’i أَرْكَابٌ [erkâb] gelir, أَعْرَابٌ [a’râb] gibi ve أَرَاكِيبُ [erâkîb] gelir, أَعَارِيبُ [a’ârîb] gibi. Râgıb’ın Müfredât’ta beyânına göre رَكَبٌ [rekeb] ferc-i mer’eden kinâyedir ki مَرْكُوبٌ [merkûb] ma’nâsından olur, niteki مَطِيَّةٌ [matiyyet] ve قَعِيدَةٌ [ka’îdet] dahi ondan kinâyedir.