اَلرَّقْمُ [er-rakm] (râ’nın fethi ve kâf’ın sükûnuyla) Yazı yazmak ma’nâsınadır; yukâlu: رَقَمَ الرَّاقِمُ رَقْمًا مِنَ الْبَابِ الْأَوَّلِ إِذَا كَتَبَ Ve yazıya nokta ve i’râb vaz’ıyla tebyîn eylemek ma’nâsınadır; yukâlu: رَقَمَ الْكِتَابَ إِذَا أَعْجَمَهُ وَبَيَّنَهُ [Ve] رَقْمٌ [rakm]-ı hisâbî bundan me’hûzdur. Ve sevbi muhattat kılmak ma’nâsınadır. Şârihin beyânı üzere bu üç gûne ma’nâyı muhtemeldir: Evvelâ cullâh sevbi yol yol çubuklu alaca nesc eylemek, sâniyâ bâzirgânlar nişân için çizgiler eylemek, sâlisâ bir tarafına bahâsını ve endâzesinin 'adedini resm eylemek ma’nâlarıdır; yukâlu: رَقَمَ الثَّوْبَ إِذَا خَطَّطَهُ Ve رَقْمٌ [rakm] Âfet ve dâhiye ma’nâsınadır; yukâlu: جَاءَ بِالرَّقْمِ أَيْ بِالدَّاهِيَةِ Ve bir çeşit çubuklu alaca kumaşın ismidir, 'alâ-kavlin hazz ile mensûc kutnî kumaşa denir yâhûd بُرْدٌ [burd] dedikleri kumaş cinsindendir; yukâlu: جَاءَ وَعَلَيْهِ رَقْمٌ أَيْ ضَرْبٌ مُخَطَّطٌ مِنَ الْوَشْيِ أَوْ مِنَ الْخَزِّ أَوْ مِنَ الْبُرُودِ Ve رَقْمٌ [rakm] Çok nesneye denir, ke-mâ se-yuzkeru.