اَلرَّقُّ [er-rakk] (râ’nın fethi ve kesri kâf’ın teşdîdiyle) Yazı ve yazacak yufka deriye denir, selefte kâgıd yerine ona yazarlar idi. Ekser ceyran derisinden ederler ve hâlen ba’zı rûz-nâme makûlesi resm ederler; yukâlu: كَتَبَهُ فِي الرَّقِّ أَيِ الْجِلْدِ الرَّقِيقِ يُكْتَبُ فِيهِ Ve رَقٌّ [rakk] Yufka nesneye denir, رَقِيقٌ [rakîk] gibi; yukâlu: شَيْءٌ رَقٌّ أَيْ ضِدُّ غَلِيظٍ Ve beyâz sahîfeye denir; yukâlu: رَقَمَهُ فِي رَقٍّ أَيْ صَحِيفَةٍ بَيْضَاءَ Ve büyük kaplumbağaya denir, 'alâ-kavlin su cânverlerinden bir küçük cânver ismidir; cem’i رُقُوقٌ [rukûk] gelir. Müfredât-ı sâ’irede deniz kaplumbağasıyla müfesserdir.