اَلنَّاغِضُ [en-nâgid] ve اَلنَّغَّاضُ [en-naggâd] (شَدَّادٌ [şeddâd] vezninde) Şol bulutlara denir ki birbirinin 'akiblerince hareket edip yürür olalar; yukâlu: غَيْمٌ نَاغِضٌ وَنَغَّاضٌ أَيْ مُتَحَرِّكٌ بَعْضُهُ فِي أَثَرِ بَعْضٍ Ve نَغَّاضٌ [naggâd] Mutlakan deprenip hareket edici nesneye denir. Bu münâsebetle karnının derisinde câ-be-câ uzun uzun şikenler ve yivler olan adama نَغَّاضُ الْبَطْنِ [naggâdu’l-batn] ıtlâk olunur, mecâz bi-mertebeteyndir, zîrâ karnının hareketi karın basık olmayıp dolgunca olmaktan iktizâ eder ve bu hâlet câ-be-câ yivleri olmağı iktizâ eder; ve minhu hadîsu 'Alî radıyallâhu 'anhu: hكَانَ صَلَّى اللهُ عَلَيْهِ وَسَلَّمَ نَغَّاضَ الْبَطْنِh أَيْ مُعَكَّنَهُ وَكَانَ عُكَنُهُ أَحْسَنَ مِنْ سَبَائِكِ الذَّهَبِ وَالْفِضَّةِ