اَلطَّرَّادُ [et-tarrâd] (شَدَّادٌ [şeddâd] vezninde) ve اَلْمُطَرَّدُ [el-mutarrad] (مُعَظَّمٌ [mu’azzam] vezninde) Bunlar da uzun güne ıtlâk olunur; yukâlu: يَوْمٌ طَرَّادٌ وَمُطَرَّدٌ أَيْ طَوِيلٌ Ve طَرَّادٌ [tarrâd] Bir gûne küçük gemiye denir ki be-gâyet sür’atle gider, kırlangıç gibi. Ve vâsi’ mekâna ıtlâk olunur; yukâlu: مَكَانٌ طَرَّادٌ أَيْ وَاسِعٌ Ve düz geniş dama ıtlâk olunur; yukâlu: سَطْحٌ طَرَّادٌ أَيْ مُسْتَوٍ وَاسِعٌ Ve şol imâma ıtlâk olunur namazlarda kırâ’ati tatvîl eylemekle cemâ’ati usandırıp tard eder ola; yukâlu: إِمَامٌ طَرَّادٌ إِذَا كَانَ يُطَوِّلُ عَلَى النَّاسِ الْقِرَاءَةَ حَتَّى يَطْرُدَهُمْ Ve طَرَّادٌ [tarrâd] Muhaddisînden bir cemâ’atin ismleridir.