اَلْمُرَجَّلُ [el-mureccel] (مُعَظَّمٌ [mu’azzam] vezninde) Şol kumaşa denir ki onda ricâl sûretleri nakş ve tasvîr olunmuş ola; yukâlu: بُرْدٌ مُرَجَّلٌ إِذَا كَانَ فِيهِ صُورَةُ الرِّجَالِ Şârih der ki mü’ellif bunu tekrâr eylemiştir, zîrâ karîben وَالْمُرَجَّلُ اَلْمُعْلَمُ dediği bu olacaktır, lâkin مُعْلَمٌ [mu’lem] zincefli sevb demek olmakla tekrâr değildir, hattâ zikri âtî “ر،ح،ل” mâddesinde mü’ellif işrâb eylemiştir. Ve مُرَجَّلٌ [mureccel] Bir ayağından yüzülmüş ve soyulmuş olan tuluma denir. Ve hamr ile dolu tuluma denir. Ve yerde kanatlarının eser ve nişâneleri olan çekirgelere denir.