اَلْمَعْرُوفُ [el-ma’rûf] Münker mukâbilidir; yukâlu: أَمْرٌ مَعْرُوفٌ أَيْ ضِدُّ الْمُنْكَرِ Şârihin beyânına göre مَعْرُوفٌ [ma’rûf] şol fi’l ve 'amele ıtlâk olunur ki ‘akl ile idrâk olunup ve şer’ onu tahsîn eyleye. Ve مُنْكَرٌ [munker] 'akl ve şer’in kabûl etmeyip inkâr eylediği 'amelden 'ibârettir. Ve مَعْرُوفٌ [Ma’rûf] Seleme el-gâdirî nâm kimsenin feresi ismidir. Ve Ma’rûf b. Muskân, Ka’be-i mükerreme’yi binâ eden mi’mâr ismidir ki kureyş zamânında tecdîd-i binâ olunduğu vakttedir. Ma’rûf b. Suveyd ve Ma’rûf b. harrebûn muhaddislerdir. Ve Ma’rûf b. Feyruzân el-Kerhî ki kibâr-ı ümmettendir, Şeyh Ma’rûf-ı Kerhî ile müte’âreftir, tiryâk-ı mücerreb olan merkad-i şerîfi Bagdâd’dadır. Ve مَعْرُوفٌ [ma’rûf] İhsân ve in’âm ma’nâsına müsta’meldir; yukâlu: هُوَ أَهْلُ الْمَعْرُوفِ أَيِ الْإِحْسَانِ