اَلْمَعْدِنُ [el-ma’din] (مَجْلِسٌ [meclis] vezninde) Cevf-i arzda hâsıl olan altın ve gümüş makûlesi cevâhir-i arziyyenin menbit ve mahalline denir ki Fârisîde kân denir; ehl-i ma’din onda dâ’imâ ikâmet eylediği için yâhûd Hak celle ve 'alâ cevâhir-i mezbûreyi onda isbât ve temkîn eylediği için ıtlâk olundu. Ve her nesnenin mekân-ı aslına denir; ve minhu yukâlu: فُلَانٌ فِي مَعْدِنِ الْخَيْرِ وَالْكَرَمِ أَيْ مَكَانِ أَصْلِهِ

اَلْمَعْدِنُ [el-ma’din] (mîm’in fethi ve dâl’ın kesriyle) Şol yerdir ki ondan altın ve gümüş ve sâ’ir nesneler ihrâc olunur. Ve mezbûra مَعْدِنٌ [ma’dîn] dedikleri halk yaz ve kış onda mukîm oldukları içindir. Ve عَدْنٌ ['adn] تَوَطُّنٌ [tevattun] ma’nâsınadır, nitekim el-ân mürûr etti. Ve her nesnenin mevzi’ine مَعْدِنٌ [ma’din] derler.