اَلْقُلَّبُ [el-kulleb] (kâf’ın zammı ve lâm-ı müşeddedenin fethiyle) Kesîrü’t-takallüb olan kişiye denir, ba’dehu zihn ve kiyâset ve rüşd ve fetânet yâhûd kesret-i tecribe sebebiyle umûrun her tarafına taklîb-i fikr ederek idrâk ve ıttılâ’ sâhibi, 'âkıbet-endîş ve kâr-âzmûde ve mütebassır ve kâr-güzâr adama ıtlâk olunmuştur, niteki bu veznde حُوَّلٌ [huvvel] dahi bu ma’nâda müsta’meldir. Ve ekserî قُلَّبٌ [kulleb] kelimesi ona te’kîd-gûne îrâd olunur ve nefslerine dahi nisbet olunur; yukâlu: رَجُلٌ حُوَّلٌ قُلَّبٌ وَحُوَّلِيٌّ قُلَّبِيٌّ وَحُوَّلِيٌّ قُلَّبٌ أَيْ مُحْتَالٌ بَصِيرٌ بِتَقْلِيبِ اْلأُمُورِ Zâtında rüşd ve dirâyet sâhibi olmakla i’mâl-i fikr ve taklîb-i zihn eyleyerek yâhûd ez-kadîm umûr u mesâlihte kesret-i takallüb ile her emrin 'örfüne vâkıf ve cihet-i sühûletini 'ârif dâhiye olmakla umûru mülk edinmiş gibi olup her ne kadar emr düşvâr ise bir takrîb damarını bulup sühûletle onu intâc eylemeğe muktedir adam olacaktır.

a. Versatile, clever.

اَلْقُلَّبُ [el-kulleb] (kâf’ın zammı ve lâm’ın fethi ve teşdîdiyle) Umûr-dîde olan kimse; ve minhu kavluhum: هُوَ حُوَّلٌ وَقُلَّبٌ Ya’nî “Ehl-i hîle ve ehl-i basîrettir, umûrun her cânibine muttali’ olur.”