اَلْقُطُوعُ [el-kutû’] (رُجُوعٌ [rucû’] vezninde) قَطْعٌ [kat’] gibi suyu gemi ile yâhûd yüzmekle öte yakaya geçmek ma’nâsınadır, niteki zikr olundu. Ve قُطُوعٌ [kutû’] ve قِطَاعٌ [kitâ’] (kâf’ın kesri ve fethiyle) Kuyunun suyu tükenip soğumak ma’nâsınadır; yukâlu: قَطَعَ مَاءُ الرَّكِيَّةِ قُطُوعًا وَقِطَاعًا إِذَا ذَهَبَ Ve قُطُوعٌ [kutû’] ve قِطَاعٌ [kitâ’] Kuş kısmı yaylaktan kışlağa göçmek ma’nâsınadır; yukâlu: قَطَعَتِ الطَّيْرُ قُطُوعًا وَقِطَاعًا إِذَا خَرَجَتْ مِنْ بِلاَدِ الْبَرْدِ إِلَى بِلاَدِ الْحَرِّ Ve قِطَاعٌ [kitâ’] (كِتَابٌ [kitâb] vezninde) İsm olur, kendisiyle sevb ve meşin makûlesi kesilecek âlete denir, قَاطِعٌ [kâti’] gibi, ke-mâ se-yuzkeru. Ve akçelere ıtlâk olunur, دَرَاهِمُ [derâhim] ma’nâsına. Ve meyvenin kesimine denir; yukâlu: هَذَا زَمَنُ الْقِطَاعِ أَيِ الصِّرَامِ Bunda kâf’ın fethiyle de câ’izdir.