اَلْكَدْشُ [el-kedş] خَدْشٌ [hadş] vezninde ve mürâdifidir ki tırmalamak ma’nâsınadır; yukâlu: كَدَشَهُ كَدْشًا مِنَ الْبَابِ الثَّانِي إِذَا خَدَشَهُ Ve kılıçla yâhûd mızrakla vurmak ma’nâsınadır; yukâlu: كَدَشَهُ إِذَا ضَرَبَهُ بِسَيْفٍ أَوْ رُمْحٍ Ve 'unf ve şiddetle kakıvermek ma’nâsınadır; yukâlu: كَدَشَهُ إِذَا دَفَعَهُ دَفْعًا عَنِيفًا Ve kesmek ma’nâsınadır; yukâlu: كَدَشَهُ إِذَا قَطَعَهُ Ve uzun uzadı sürüp kovmak ma’nâsınadır; yukâlu: كَدَشَهُ إِذَا سَاقَهُ وَطَرَدَهُ Ve emek çekip kesb eylemek ma’nâsına müsta’meldir ki ma’nâ-yı evvelden me’hûzdur; yukâlu: كَدَشَ لِعِيَالِهِ إِذَا كَدَحَ وَكَسَبَ Ve bir kimseden bir takrîble 'atiyye ve bahşiş koparmak ma’nâsına müsta’meldir; tekûlu: كَدَشْتُ مِنْهُ عَطَاءً أَيْ أَصَبْتُ

اَلْكَدْسُ [el-keds] (kâf’ın fethi ve dâl’ın sükûnuyla) Ağır yüklü olan davarı sür’atle seyr ettirmek; yukâlu: كَدَسْتُ الْخَيْلَ كَدْسًا مِنَ الْبَابِ الثَّانِي