اَلْقَامَةُ [el-kâmet] (حَالَةٌ [hâlet] vezninde) ve اَلْقَيْمَةُ [el-kaymet] ve اَلْقَوْمَةُ [el-kavmet] (kâf’ların fethiyle) ve اَلْقُومِيَّةُ [el-kûmiyyet] (kâf’ın zammıyla) ve اَلْقَوَامُ [el-kavâm] (kâf’ın fethiyle) İnsânın boyuna denir. قَامَةٌ [kâmet]in cem’i قَامَاتٌ [kâmât] ve قِيَمٌ [kiyem] gelir, عِنَبٌ [‘ineb] vezninde; yukâlu: هُوَ طَوِيلُ الْقَامَةِ وَالْقَيْمَةِ وَالْقَوْمَةِ وَالْقُومِيَّةِ وَالْقَوَامِ أَيِ الشَّطَاطِ Ve قَامَةٌ [kâmet] Kuyudan su çekecek makaraya denir, cemî’-i esbâb ve edevatıyla; cem’i قِيَمٌ [kiyem] gelir, عِنَبٌ ['ineb] vezninde. Ve Necd ülkesinde bir dağın adıdır.

s. The figure, shape, stature of a man.

اَلْقَوَامُ [el-kavâm] (kâf’ın fethi ve vâv’ın tahfîfiyle) 'Adl ma’nâsına; kâlallâhu ta’âlâ: ﴿وَكَانَ بَيْنَ ذَلِكَ قَوَامًا﴾ (الفرقان، 67) Ve قَوَامُ الرَّجُلِ [kavâmu’r-recul] Recülün kâmetine ve hüsn-i tûluna derler. Ve قِوَامٌ [kivâm] Bir husûsun üzerine kâ’im olan kimseye dahi derler; yukâlu: فُلَانٌ قِوَامُ أَهْلِ بَيْتِهِ أَيِ الَّذِي يُقِيمُ شَأْنَهُمْ Ve قِوَامُ الْأَمْرِ [kivâmu’l-emri] Bir nesnenin aslına ve mâ-yekûnu bih olan nesnesine derler. Ve gâh olur kâf’ı meftûh dahi kılarlar.