اَلْقَاطِعُ [el-kâti’] Kesici demektir. Ve ekşi süte ıtlâk olunur ki kesilmiş olur, fâ’il bi-ma’nâ mef’ûldür; yukâlu: لَبَنٌ قَاطِعٌ أَيْ حَامِضٌ Ve قِطَاعٌ [kitâ’] gibi kendisiyle sevb ve sahtiyân makûlesi nesne kesilip biçilen âlete denir ki sındı ta’bîr olunur; yukâlu: قَطَعَ الْأَدِيمَ بِالْقَاطِعِ وَالْقِطَاعِ وَهُوَ الْمِقْطَعُ الَّذِي يُقْطَعُ بِهِ الثَّوْبُ وَالْأَدِيمُ وَنَحْوُهُمَا Şârih der ki usûl-ı sâ’irede قَاطِعٌ [kâti’] ve قِطَاعٌ [kitâ’] bir nesnenin örneği ve misâliyle müfesserdir, hattâ Esâs’ta قَطَعَ الْأَدِيمَ عَلَى الْقَاطِعِ وَهُوَ الْمِثَالُ الَّذِي يُقْطَعُ عَلَيْهِ 'ibâretiyle mersûmdur.