اَلْقَرْثَعُ [el-karsa’] (sâ-yı müsellese ile جَعْفَرٌ [ca’fer] vezninde) Utanmaz, sıyrık, kimseden bâk ve pervâ eymez salîta karıya denir. Ve humk ve belâheti olan karıya denir. Ve erkek devekuşuna denir. Ve arslana denir. Ve denizde sedef nev’inden bir kaplı böcek adıdır. Ve alçak ve denî kimseye denir. Ve şol 'avrete denir ki dâ’imâ yalnızca bir gözüne sürme çekinir ola. Ve üstlüğünü ve ferâcesini ters giyinir olan ‘avrete denir. Ve davarın eyeri tüyleri aralığında olan tiftik tarzında hurde tüylere denir, قَرْثَعَةٌ [karse’at] dahi derler hâ’yla. Ve قَرْثَعٌ [karsa’] Taglib kabilesinden bir kimse adıdır ki Evs kabîlesine intisâb eyledi. Be-gâyet mübrim sâ’il ve cerrâr olmakla: “أَسْأَلُ مِنْ قَرْثَعٍ” darb-ı mesel olmuştur. Ve dabbe kabîlesinden bir tâbi’î ismidir.

قَرْصَعٌ [karsa’] (جَعْفَرٌ [ca’fer] vezninde) Bir le’îm ve nâkes kimsenin ismidir ki Yemen diyârında olur idi, lü’m ve denâ’etle darb-ı mesel idi; yukâlu: “اَلْأَمُ مِنْ قَرْصَعٍ” أَوْ مِنِ ابْنِ قَرْصَعٍ أَوْ مِنِ ابْنِ الْقَرْصَعِ Ve kısa ve yoğun zekere قَرْصَعٌ [karsa’] denir.