اَلْقَدُومُ [el-kadûm] (صَبُورٌ [sabûr] vezninde) Dülgerlerin keser ta’bîr ettikleri âlete denir. Ve bu mü’ennestir, cem’i قَدَائِمُ [kadâ’im] ve قُدُمٌ [kudum] gelir zammeteynle. Ve haleb kazâsında bir karye adıdır. Ve Na’mân nâm mahalde bir mevzi’ adıdır. Ve Medîne’de bir cebel adıdır. Ve Serât diyârında bir sarp belen adıdır. Ve bir mevzi’ adıdır ki orada Hazret-i İbrâhîm 'alâ-nebiyyina ve ‘aleyhi’t-teslîm ihtitân eylediler. Ve ba’zen dâl’ı müşedded kılınır. Şârihin beyânına göre mevzi’-i mezbûr Şâm diyârındadır. Ve قَدُومٌ [kadûm] Devs bilâdında bir dağda bir sarp yokuş adıdır. Ve Yemen’de bir hisâr adıdır.