اَلْعِفْرُ [el-'ifr] ('ayn’ın kesriyle) ve اَلْعِفْرِيَةُ [el-'ifriyet] (شِرْذِمَةٌ [şirzimet] vezninde) ve اَلْعِفْرِيتُ [el-'ifrît] (كِبْرِيتٌ [kibrît] vezninde) ve اَلْعِفِرُّ [el-'ifirr] (طِمِرٌّ [timirr] vezninde) ve اَلْعِفِرِّيُّ [el-'ifirriyy] (yâ-yı müşeddede ile) ve اَلْعُفَرْنِيَةُ [el-'uferniyet] (قُذَعْمِلَةٌ [kuza’milet] vezninde) ve اَلْعُفَارِيَةُ [el-'ufâriyet] (عُلاَبِطَةٌ ['ulâbitat] vezninde) Nihâyet derecede habîs ve şirrîr ve siyeh-kâre denir; yukâlu: رَجُلٌ عِفْرٌ وَعِفْرِيَةٌ وَعِفْرِيتٌ وَعِفِرٌّ وَعِفِرِّيٌّ وَعُفَرْنِيَةٌ وَعُفَارِيَةٌ أَيْ خَبِيثٌ مُنْكَرٌ Ve عِفْرِيتٌ ['ifrît] ve عِفْرِينٌ ['ifrîn] (nûn’la عِفْرِيتٌ ['ifrît] vezninde ve ba’zen عِفِرِّينٌ ['ifirrîn] dahi derler 'ayn’ın ve fâ’nın kesri ve râ’nın teşdîdiyle) Şol adama denir ki dühâttan olup umûr ve mesâlihte nâfiz ve kâr-güzâr ve bilâ-fütûr ve pehlivân gibi cidd ve ikdâm sâhibi ola, o makûleye cellâd-ı umûr ta’bîr olunur; yukâlu: رَجُلٌ عِفْرِيتٌ وَعِفْرِينٌ وَعِفِرِّينٌ أَيْ نَافِذٌ فِي الْأَمْرِ مُبَالِغٌ فِيهِ مَعَ دَهَاءٍ Mü’ennesinde عِفْرِيتَةٌ ['ifrîtet] denir. Ve عِفْرٌ ['ifr] ve عِفْرِيَةٌ ['ifriyet] ve عِفْرِيتٌ ['ifrît] ve عُفَارِيَةٌ ['ufâriyet] ve عَفَرْنَى ['afernâ] ( فَعَلْنَى[fa’alnâ] vezninde ki سَفَرْجَلٌ [sefercel] kelimesine mülhaktır) Tünd ve şedîd arslana vasf olur, şîr-i derende ma’nâsına; yukâlu: أَسَدٌ عِفْرُ وَعِفْرِيَةٌ وَعِفْرِيتٌ وَعُفَارِيَةٌ وَعَفَرْنَى أَيْ شَدِيدٌ Türkîde ona kağan arslan ta’bîr olunur. Ve yukâlu: لَبُؤَةٌ عَفَرْنَاةٌ فِي مُؤَنَّثِهِ [Ve] لَبُؤَةٌ [lebu’et] dişi arslana denir.