اَلْإِبْشَارُ [el-ibşâr] (hemzenin kesriyle) Bu dahi derinin ve sâ’ir nesnenin yüzünü kazıyıp sıyırmak ma’nâsınadır; yukâlu: أَبْشَرَ الْأَدِيمَ بِمَعْنَى بَشَرَهُ Ve müjde eylemek ma’nâsınadır; yukâlu: أَبْشَرَهُ بِهِ بِمَعْنَى بَشَرَهُ Ve ferah-nâk olmak ma’nâsınadır ki lâzımdır; yukâlu: أَبْشَرَ فُلاَنٌ بِهِ إِذَا فَرِحَ ve minhu kavluke أَبْشِرْ بِخَيْرِ Ve 'aleyhi kavluhu ta’âlâ: ﴿وَأَبْشِرُوا بِالْجَنَّةِ﴾ الآية Ve إِبْشَارٌ [ibşâr] Yer beşeresini ya’nî bitecek sebze ve nebâtını zâhire ihrâc eylemek ma’nâsınadır; yukâlu: أَبْشَرَتِ الْأَرْضُ إِذَا أَخْرَجَتْ بَشَرَتَهَا أَيْ مَا ظَهَرَ مِنْ نَبَاتِهَا Ve hayvân döl tutup gebe kalmak ma’nâsınadır; yukâlu: أَبْشَرَتِ النَّاقَةُ إِذَا لَقِحَتْ Ve bir işi yâ bir nesneyi hûb ve revnak ve letâfetli kılmak ma’nâsınadır; yukâlu: أَبْشَرَ الْأَمْرَ إِذَا حَسَّنَهُ وَنَضَّرَهُ