اَلْخُلَّبُ [el-hulleb] (hâ’nın zammıyla قُبَّرٌ [kubber] vezninde) Yağmursuz sehâba denir, gûyâ ki mumtır şeklinde görünüp sonra ifâza eylememekle halka hud’a eder olur. Kezâlik yağmursuz şimşeğe بَرْقٌ خُلَّبٌ ve اَلْبَرْقُ الْخُلَّبُve بَرْقُ الْخُلَّبِ ıtlâk olunur. Bu münâsebetle va’d edip halkı tama’ ve ümniyyeye düşürdükten sonra vefâ ve incâz eylemeyen yâdigâr hakkında kezâlik اَلْبَرْقُ الْخُلَّبُ ve izâfetle بَرْقُ الْخُلَّبِ ve بَرْقُ خُلَّبٍ derler; yukâlu: هُوَ الْبَرْقُ الْخُلَّبُ وَبَرْقُ الْخُلَّبِ وَبَرْقُ خُلَّبٍ أَيْ مُطْمِعٌ مُخْلِفٌ Muhaddisînden hasan b. kahtaba el-hullebî ona mensûbdur.