اَلْخِطْمِيُّ [el-hitmiyy] (hâ’nın kesri ve fethiyle) Nebât-ı ma’rûftur ki çiçeğine hâtem çiçeği ta’bîr olunur; muhallil ve münazzic ve müleyyin ve ‘usr-i bevle müfîd ve mesânede olan taşları dâfi’ ve ‘ırku’n-nesâ ve em’âda olan kurhalara ve irti’âş ve nuzc-ı cirâhât ve teskîn-i veca’ husûsunda nâfi’ ve sirke ile zımâdı behak 'illetini ve mazmazası diş ağrılarını müzîl, kezâlik sirke ile zımâdı hayvânât sümûmuna ve âteş yanığına ve su ile mahlût tohumunu yâ sahk olunmuş kökünü zımâd âteş yanığını kurutup onultmakta mü’essirdir. Ve ıssı su ile müstahrec olan lü’âbında cülûs 'akîm hatuna ve verem-i mak’ada müfîddir.