اَلْخِلْطُ [el-hilt] (hâ’nın kesriyle) Eğri oka ve eğri yaya denir. Ağaçları zâtında eğri olmakla doğrulttuktan sonra yine çarpılmış olur; lâm’ın kesriyle de câ’izdir; yukâlu: يَرْمِي بِالسَّهْمِ الْخِلْطِ عَنِ الْقَوْسِ الْخِلْطِ أَيِ الْمُعْوَجِّ Ve ahmak ve şaşkın adama denir; yukâlu: رَجُلٌ خِلْطٌ أَيْ أَحْمَقُ Ve bir nesneye karışmış olan şey’e denir, tîb eczâsı gibi. Ve her nev’den karışık olan hurmâya denir; cem’i أَخْلاَطٌ [ahlât]tır. Ve soyu ve nesebi karışık adama denir; yukâlu: رَجُلٌ خِلْطٌ مِلْطٌ أَيْ مُخْتَلِطُ النَّسَبِ Ve خِلْطٌ [hilt] Ahlât-ı erba’anın her birine ıtlâk olunur ki bünye-i bedenin mebnâsı olan emzice-i erba’adır, safrâ’ ve sevdâ’ ve dem ve balgamdan 'ibârettir.