اَلْخِبْطُ [el-hibt] (hâ’nın kesri ve bâ’nın kezâlik sükûnuyla) Sülüs mikdârından nısf mikdârına varan sudur gerek çanakta gerek meşkte gerek havzda gerek gölde olsun ki bu mikdâr olan suya رَفَضٌ [refad] derler. Ve bundan fi’l müştak olduğu zâhir değildir. Cevherî kavli üzere pes خِبْطٌ [hibt] جُرْعَةٌ [cur’at] gibidir ma’nen. Ve جُرْعَةٌ [cur’at] cîm’in zammı ve râ-i mühmelenin sükûnuyla kâsede bâkî kalan sudur. Ba’zılar hatt-ı Cevherî ile vâki’ olan جُزْعَةٌ [cuz’at]dır demiş, cîm’in kesriyle ve zây-ı mu’cemenin sükûnuyla, mutlakan mâ-i kalîl ma’nâsına.