اَلْهَلْكُ [el-helk] (hâ’nın fethi ve zammı ve lâm’ın sükûnuyla) Helâk ma’nâsına ismdir; ve minhu tekûlu: “َلأَذْهَبَنَّ فَإِمَّا هَلْكٌ وَإِمَّا مَلْكٌ” أَيْ إِمَّا أَنْ أَهْلِكَ أَوْ أَمْلِكَ Ya’nî “Elbette ben giderim yâ helâk olurum yâ matlûbuma mâlik olurum.” Terkîb-i mezbûr إِمَّا أَنْ أَهْلِكَ هَلْكًا وَإِمَّا أَنْ أَمْلِكَ مَلْكًا sebkindedir ki fi’l-asl mef’ûl-i mutlaktır, fi’li hazf olunup sebâta delâlet için merfû’ oldu yâhûd fi’l-i mahzûfun fâ’ilidir, إِمَّا أَنْ يَقَعَ لِي هَلْكٌ وَمَلْكٌ te’vîlindedir yâhûd mübtedâ-yı mahzûfa haber yâhûd mubtedâdır. Ve مَلْكٌ lafzında dahi mîm’in fethi ve zammı cârîdir.

اَلْهَلْكُ [el-helk] (hâ’nın fethi ve lâm’ın sükûnuyla) Helâk kılmak, Temîm lügati üzere Ebû 'Ubeyd rivâyetinde; tekûlu: هَلَكَهُ يَهْلِكُهُ هَلْكًا مِنَ الْبَابِ الثَّانِي بِمَعْنَى أَهْلَكَهُ كَمَا يُقَالُ لَيْلٌ غَاضٍ أَيْ مُغِضٍ Ve غَاضِي [gâdî] muzlim ma’nâsınadır.