اَلْهَضِيمُ [el-hedîm] (أَمِيرٌ [emîr] vezninde) Mâlı magsûb olan mazlûma denir. Ve هَضِيمٌ [hedîm] Şol hatuna denir ki karnı düz ve böğürleri latîf ve yanlarının etleri azca olmakla nihâl-i serv-i sehî gibi ola ve ona sülün karınlı ta’bîr olunur. Ve öylesi karına da vasf olur; yukâlu: إِمْرَأَةٌ هَضِيمٌ أَيْ أَخْمَصُ الْبَطْنِ وَلَطِيفُ الْكَشْحِ وَأَقَلُّ انْجِفَارِ الْجَنْبَيْنِ ve yukâlu: بَطْنٌ هَضِيمٌ أَيْ أَخْمَصُ Ve şol açılmadık hurmâ çiçeğine denir ki henüz kapçığı içre olup gonca gibi birbiri içinde girişmiş ola; ve minhu kavluhu ta’âlâ: ﴿وَنَخْلٍ طَلْعُهَا هَضِيمٌ﴾ أَيْ مُنْهَضِمٌ مُنْضَمٌّ فِي جَوْفِ الْجُفِّ Ve kamıştan olan nây ve düdük makûlesine denir, مَهْضُومَةٌ [mehdûmet] dahi derler, ke-mâ se-yuzkeru.